Садыр Жапаров Бишкек шаарынын мурдагы мэри Азиз Суракматовдун отставкасын кабыл алды

Садыр Жапаров Бишкек шаарынын мурдагы мэри Азиз Суракматовдун отставкасын кабыл алды. Бул тууралуу мэриянын басма сөз кызматынан билдиришти.

20-октябрда Азиз Суракматов отставкага кетерин жарыялаган. Ал алдыдагы парламенттик шайлоого катышарын билдирген. Суракматов буга чейин 6-октябрда дагы арызын жазып, ээлеген кызматынан кеткен. Бирок шаардыктар анын кайтып келишин талап кылган акция уюштургандан кийин кайрадан өз ордуна келген.

Азиз Суракматов Бишкек шаарынын мэри болуп 2018-жылдын 8-августунда дайындалган.

Автор: Жылдыз Джускембаева