Садыр Жапаров: "Шайлоолор буюрса мартка чейин бүтөт"

Президенттин милдетин аткаруучу, премьер-министр Садыр Жапаров шайлоолор буюрса мартка чейин бүтөрүн айтты. Бул тууралуу ал социалдык тармактагы баракчасына жазды.

"Эч кам санабаңыздар. Жасалып жаткан иштерибиздин баары элдин кызыкчылыгы үчүн болуп жатат. Эл 30 жылдан бери талап кылып, бирок максатына жетпей келе жаткан иштер сөзсүз ишке ашырылат. Бут тосуулар болбосо, (катуу бут тосуулар болуп жатат) баш мыйзам эл каалагандай кабыл алынат. Шайлоолор буюрса мартка чейин бүтөт. Парламент июнга чейин отурбайт. Кечээги мыйзамга "запас" убакыт алалы деп, реформалар июнга чейин бүтүш керек экендигин белгилеп коюшуптур. Кыскасы парламент июнга чейин отурат экен деп дүрбөлөң болбогула. 30 жылдан бери тили сайрап, бирок колунан эч нерсе келбеген, эч бир алгылыктуу иш жасабаган саясатчыларга ишенбегиле", - деп жазды ал.

Автор: Жылдыз Джускембаева