Президенттин жаңы маалымат катчысы Галина Байтеректин өмүр баяны

Кечээ, 29-октябрда президенттин милдетин аткаруучу Садыр Жапаров кол койгон жарлыкка ылайык, Галина Байтерек президенттин басма сөз катчысы болуп дайындалган.

Галина Байтерек 1971-жылы 19-июлда Чүй облусуна караштуу Панфилов районунун Ровное айылында туулган. Ал 1990-1996 жылдары Жусуп Баласагын атындагы Кыргыз улуттук университетинин орус филологиясы факультетин бүтүргөн.

Эмгек жолу:

1994-2001-жылдары «Баластан» балдар студиясынын режиссёру, редактору жана алып баруучусу болуп иштеген. «Сами с усами», «К сокровищам инков», «Великолепная семерка» «Хочу всё знать» балдардын теле берүүлөрүнүн, өспүрүмдөр үчүн «Пятая стена», «Наристе Аземи», «Весёлые нотки» музыкалык программалардын автору.

2002-2004 жылдары — КТРдин «Дневной блок телепередач» программасынын баяндамачысы. «Тема дня» аналитикалык программасынын алып баруучусу.

2004-2006-жылдары — КТРдин жарнама-коммерциялык агенттигинин «Арноо концерти» программасынын режиссёру болуп иштеген.

2007-2008-жылдары — КТРдин социалдык-экономикалык инновациялык программалар редакциясынын башкы редактору. «Ала тоо плюс», «Народ хочет знать», «Акцент» программаларын түз эфирде алпарган.

2009-2010-жылдары «ЭЛТР» ТРКсынын баяндамачысы болуп иштеген, «Итоги недели» аналитикалык программасын алып барган.

2010-2015-жылдары — КТРКнын социалдык-экономикалык жана инновациялык программалар башкы редакциясынын саясий редакциясынын баяндамачысы. «Народ хочет знать», «ЦИК сообщает» программаларынын алып баруучусу.
Кыргыз Республикасынын президентинин жана Жогорку Кеңештин депутаттары шайлоого байланыштуу бардык түз эфирдеги программалардын алып баруучусу.
«Свободный микрофон» ток-шоусунун автору жана алып баруучусу.
«Стратегия-2040» президенттик программасынын алып баруучусу.

Сыйлыктары:

— 2011-жылы — «КТРКнын мыктысы»;

— 2014-жылдан тарта жыл сайын «Слово Кыргызстана» жана «Кыргыз-Туусу» гезиттеринин «Жылдын мыкты редактору» наамын алып келет.

— Кыргыз Республикасынын Маданият жана маалымат министрлигинин «Мыкты кызматкери».

Үй-бүлөлүү, үч баланын энеси.

Автор: Гүлшат Ысамамат кызы