Режиссёр Садык Шер-Нияз президенттик шайлоого катышарын билдирди

Режиссёр Садык Шер-Нияз алдыда өтө турчу президенттик шайлоого катышат. Бул тууралуу ал өзүнүн социалдык тармактагы баракчасында билдирип, видео кайрылуу жасаган.

Азырынча Садык Шер-Нияз тараптан арыз түшө элек экенин Борбордук шайлоо комиссиясынан билдиришти.

Буга чейин Арстанбек Абдылдаев (Арстан Алай), Назарбек Нышанов, Кубан Чороев, Бектур Асанов, Адахан Мадумаров, Канат Исаев, Абдыкаар Сыдыков, Бакыт Бакетаев, Сазыкбай Турдумалиев, Нурлан Мотуев президенттикке талапкерлигин көрсөтүү жөнүндө арызын БШКга калтырганы маалым.