БШК 16 президенттикке талапкерлердин ыйгарым укуктуу өкүлдөрүн каттады

Борбордук шайлоо комиссиясы 16 президенттикке талапкерлердин ыйгарым укуктуу өкүлдөрүн каттады. Бул тууралуу чечим аталган комиссиянын жыйынында кабыл алынды.

Маалыматка ылайык, Марат Кайыпов, Улукбек Кочкоров, Эльдар Абакиров, Тынчтык Акжолтоев, Каныбек Иманалиев, Садык Шер-Нияз, Медер Болгомбаев, Аймен Касенов, Арсланбек Малиев, Элеонора Турдубекова, Абдил Сегизбаев, Кубанычбек Исабеков, Равшан Жээнбеков, Садыр Жапаров, Курсан Асанов жана Кубанычбек Кадыровдун өкүлдөрү катталды.

Борбордук шайлоо комиссиясы мөөнөтүнөн мурда президенттик шайлоону 2021-жылдын 10-январына белгилеген.

Автор: Жылдыз Джускембаева