Бишкекте алдамчылыкка шектелген жаран кармалды

Бишкекте алдамчылыкка шектелген жаран кармалды. Бул тууралуу Октябрь РИИБинин басма сөз кызматынан билдиришти.

Маалыматка ылайык, шаар тургуну арыз менен кайрылып, ушул жылдын июнь айында ишеничке кирүү жолу менен фотоаппарат жана ага тийиштүү буюмдарды алып, андан ары таптырбай кеткен. Ал эми жабырлануучу 3 миң доллардан ашык чыгым болгон.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Шектүү катары 1997-жылы туулган М.А. аттуу жаран кармалып, анын ушул сыяктуу башка кылмыш иштерине тиешеси бар же жогу териштирилүүдө.

Автор: Айсалкын Качкынбекова