Бишкекте шаар тургундарынын тынчын алып, бейбаштык кылган айдоочу кармалды

Милициянын кайгуул кызматкерлери шаар тургундарынын тынчын алып, бейбаштык кылган айдоочуну кармады. Бул тууралуу патрулдук милициянын басма сөз кызматынан билдиришти.

Маалыматка ылайык, социалдык тармактарда белгисиз айдоочу Мерседес-Бенц үлгүсүндөгү унаа менен шаар тургундарынын тынчын алып, каттуу үн менен авто бейбаштык жасагандыгы тууралуу видео тараган.

"Бул айдоочунун жоопкерчилигин кароо максатында милициянын кайгуул кызматкерлери издөө иш-чараларын жүргүзүштү. Натыйжада, бүгүн,25-ноябрда болжол менен саат 10:45 чамасында Достоев жана Анкара көчөлөрүнүн кесилишинен, Мерседес-Бенц үлгүсүндөгү унаанын айдоочусу 1991- жылы туулган Ж. У. аттуу жаранды кармашкан. Бул факты боюнча айдоочуга карата протокол толтуруп, 7 жарым миң сом өлчөмүндө айып пул салынган", - деп жазылат маалыматта.

Автор: Гүлзина Каныбекова