Бишкекте аялдын 2 миң доллар акчасын опузалап тартып алган шектүү кармалды

Бишкекте опузалап акча талап кылган жаран кармалды. Бул тууралуу патрулдук милициядан билдиришти.

2020-жылдын 2-декабрында болжол менен саат 21:00 чамасында Горький жана 7-апрель көчөлөрүнүн кесилишинен, "акчамды опузалап алып кетишти" деген маалымат 102 кызматына келип түшкөн.

Айтылган дарекке ошол замат милициянын кайгуул кызматкерлери келип, маалыматты тактаганда Т.А. аттуу аялдын чала таанышы 2 миң доллардан ашык акчасын опузалап, талап кылып алып кеткендиги аныкталган. Ыкчам издөө иш-чараларын жүргүзүп, кылмыштын изи сууй электе шектүү катары 1987-жылы туулган А.Ч. аттуу жаран кармалып, Аламүдүн РИИБинин тергөө кызматына өткөрүлүп берилген.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Автор: Айсалкын Качкынбекова