Кызыл-Кыяда уурулукка жана тоноочулукка шектелгендер кармалды

Баткен облусунун Кызыл-Кыя шаарында милиция кызматкерлери 2 уурулуктун, 1 тоноочулуктун бетин ачты. Бул тууралуу облустук милициядан билдиришти.

Маалыматка ылайык, 29-ноябрь күнү Ноокат районунун 30 жаштагы тургуну Кызыл-Кыя шаарынын Караван айылында жайгашкан мончодо Redmi NOT 8 үлгүсүндөгү телефонун жоготконун айтып, арыз жазган. Бул факты Кызыл-Кыя ШИИБинде Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Бул боюнча Ноокат районунун 18 жаштагы Р.Э. аттуу тургуну Кызыл-Кыя шаарында жүргөн жеринен аныкталып кармалган.

Ушул эле жылдын 29-ноябрында Кызыл-Кыя шаарынын 24 жаштагы тургунунун дүкөнүн айнегин сындырып кирип, 17 миң 650 сомдук кийимин белгисиз аттуулдар уурдап кеткен.

Ошондой эле, 28-ноябрь күнү Кызыл-Кыя шаарындагы базарда 18 жаштагы тургундун колундагы Samsung A40 үлгүсүндөгү телефонун Б. аттуу жаран тартып алып, изин жашырып кеткен. Жогорудагы катталган кылмыштар боюнча Кызыл-Кыя ШИИБи иликтөө иштерин жүргүзүп, 17 жаштагы А.Я. аттуу тургун кармалган.
Тергөө иштеринин жүрүшүндө уурдалган мүлктөр өз ээлерине кайтарылып берилген. Азыркы күндө жогорудагы фактылар боюнча тергөө иштери жүрүп жатат.

Автор: Айсалкын Качкынбекова