Абайлаңыз сүрөт! Бишкекте жансыз денеси табылган жарандын ким экендигин аныктоого милиция кызматкерлери көмөк сурайт

Бишкекте эркек кишинин жансыз денеси табылды. Бул тууралуу Ленин РИИБинин басма сөз кызматынан билдиришти.

Маалыматка ылайык, 13-ноябрь күнү болжол менен саат 11:50дө Фрунзе жана Тимирязев көчөлөрүнүн кесилишинде кебетеси азиялык болгон болжолдуу 40-45 жаштагы эркек кишинин жансыз денеси табылган. Аталган факты Кылмыштардын жана жоруктардын бирдиктүү реестрине катталды.

Маркумдун өзгөчө белгилери: бою 175 сантиметр, чачы кара, арыкчырай дене түзүлүштө.

Кийген кийимдери: кара кепка, көк спорттук кийим жана көк жынсы шым.

Милиция кызматкерлери сүрөттөгү адамдын аты-жөнүн аныктоого көмөктөшүүңүздөрдү өтүнөт. Ал тууралуу кандайдыр бир маалымат тапсаңыз, төмөнкү телефондор аркылуу байланышып коюңуздар: 0 (312) 352-605, 0 (551) 102-129 жана 102 номерине.

Автор: Айжанар Рыспек кызы