13 күн мурда сүзгөн. Бишкекте өспүрүмдү унаасы менен коюп качып кеткен айдоочу кармалды

Бишкекте 12 жаштагы баланы унаасы менен сүзүп, окуя болгон жерден качып кеткен айдоочу колго түшүрүлдү. Бул тууралуу Милициянын кайгуул кызматынан кабарлашты.

Малыматка ылайык, 3-декабрда болжол менен саат 07:50 чамасында Токомбаев жана 7-апрель көчөлөрүнүн кесилишинен айдоочу унаасы менен 2008-жылы туулган Б.Э. аттуу жаранды сүзүп, окуя болгон жерден качып кеткен.

"Бул факты боюнча милициянын кайгуул кызматы издөө иш-чараларын жүргүзүп, 16-декабрда кылмышка шектүү катары 1994-жылы туулган Т.Ж. аттуу жаранды колго түшүрүштү.

Унаа убактылуу атайын жайга токтотулуп, иш Бишкек ШИИББинин тергөө кызматына өткөрүлүп берилди", - дешти мекемеден.

Автор: Бактыгүл Момбекова