Токмокто 15 жашар өспүрүмдү зордуктоого шектелген өгөй ата 2 айга СИЗО-1ге киргизилди

Токмокто 15 жашар өспүрүмдү зордуктоого шектелип жаткан өгөй ата 2 айга камакка СИЗО-1ге киргизилди. Шектүүнүн баш коргоо чарасын Токмок шаардык соту караган. Бул тууралуу жабырлануучу кыздын жактоочусу билдирди.

Окуянын чоо-жайы:

19-декабрда Токмокто 15 жаштагы кызды өгөй атасы эки жылдан бери зордуктап келгенин, өспүрүмдүн апасы бул жөнүндө билип, бирок унчукпай келгенин жактоочу билдирген.

Ал эми бул боюнча Чүй ОИИББи аталган иш кылмыштардын жана жоруктардын бирдиктүү реестрине 161-беренеси (Зордуктоо) боюнча катталып, сотко чейинки өндүрүш иши башталганын билдирген.

SUPER.KG порталы кыздын таежеси Гүлзада Сарукевага барганда, ал өгөй атасы кыздын колтугуна сайып тийишкенин, түндө ойготконун көрүп шек санаганын айтып окуя тууралуу баяндап берген.

Автор: Айсалкын Качкынбекова