"Оңой эле". Конор Макгрегордун өнөктөшү Хабиб Нурмагомедовду жеңе аларын айтты

UFC уюмунун эки салмактагы экс-чемпиону Конор Макгрегордун спарринг өнөктөшү жана достугу менен белгилүү болгон Bellator уюмунун мушкери Диллон Дэнис грэпплинг беттешинде UFC уюмунун жеңил салмактагы чемпиону Хабиб Нурмагомедовду утаарына ишенет. Бул тууралуу ал америкалык басылмаларга билдирген.

"Мен Хабибди грэпплинг беттешинде ута алмак белем? Ооба, бул оңой эле жумуш. Муну баары билет. Бирок бул менин беттешим эмес, бул Конордун беттеши", - деген Диллон Дэнис.

2018-жылдын октябрь айындагы Хабиб-Конор беттешинде Хабиб Нурмагомедов жеңишинен кийин так ушул Диллон Дэнисти көздөй секирген. Мындан кийин Диллон Дэниске дүйнөлүк атак-даңк келген.

Автор: Азат Бейшенбеков