"Концертке келген бала "үч пахан" тамашасын көрмөкмүн, эмнеге койбой койду деп ыйлады". Рахман Разыков УКМКга чакырылууга себеп болгон тамашасы тууралуу айтты

Куудулдар Рахман Разыков, Абдылда Иманкулов жана Нарынбек Молдобаев Оштогу "Оңолмок элек биз качан, ортодо турса үч пахан" деген концертинен улам УКМКнын аталган аймактагы башкармалыгына чакырылышты. Тагыраагы, куудулдардын "Үч пахан" деген тамашасы суракка барууга себеп болгон. Бул тууралуу сатирик Рахман мырза билдирип, буларга токтолду.

"Программаны мен түзөм. Үчөөбүздүн концертибиз 1-5-январь аралыгында Ошто болду. Концерттин биринчи күнүн Ош ТВ телеканалы эфирден кетирбей койду. Эртеси күнү эле үчөөбүздү башкармалыкка чакырышты. Барганыбызда концерттик программадан "Үч пахан" деген интермедияны алып салуубузду айтышты. Эмнеге дегенибизде "тамашада талапкердин беделени шек келтирген учурлар бар" дешти. Концерт бүткөндө 12-13 жаш чамасындагы баланы ата-энеси алып келишти. Өспүрүм "Үч пахан" деген тамашаны эмнеге койбой койдуңар, мен ошону көрмөкмүн" деп ыйлап алыптыр. Ага кантип түшүндүрөсүң?

Мен пахан деп конкреттүү бир адамды айткан жокмун, ал жерде пахан деген үчөөбүз деп түшүндүрдүм. Интермедиядагы "лампочкам, фигураңыз жакшы экен" жана башка сөздөр эл арасында айтылып жатат да. Бул жерде бардык талапкерлерге карата айтылган сөздөр колдонулган. Бирок талап коюлуп, программадан ал тамашабызды чийдик. Оштогу концертибиз бүтүп, Жалал-Абадга барганыбызда ал жактан облустук штаб иш-чара өткөргөнгө болбойт деп театрдын эшигин ачпай койду. Облустун алыскы, жакынкы аймактарынан келген көрүүчүлөр көчөдө калды, билет сатып алышкан деп ресторан таап, сүйлөштүк. Баасын келишип, элди киргизели деп жатканыбызда тойкананын ээси телефон чалып, өткөргөнгө болбойт деди. Акчасын төлөп жатам, эл күтүп турат дегенимде "мага тынч жашоо керек" деди.

Билет алган эл бизди жаман көрүп "эмнеге концерт койбойсуңар билет саткандан кийин" дешти. Бирибиз Бишкектен, бирибиз Оштон атайын барып концерт койбой коймок белек", - дейт куудул.

Ошондой эле Рахман Разыков мурдагы президенттер Алмазбек Атамбаев, Сооронбай Жээнбековдун учурунда деле концерт койгонун, анда мындай бут тосуулар болбогонун кошумчалады.

Социалдык тармакка концерттин монтаждалган афишасы тараган. Анда Садыр Жапаров, Камчыбек Ташиев жана Талант Мамытовдун сүрөттөрү коюлуп, концерттин аталышы жазылган.

"Афишадагы сүрөттүн монтаждалганы көрүнүп турат. Талапкерлердин беделине шек келтирилип жаткан болсо УКМК ушул сүрөттү жасап, тараткандарды тапса болмок", - деди куудул.

УКМК куудулдардын суракка чакыртылышы боюнча комментарий бере элек.

(Сахнада илинип турган афиша монтаждалган)

Автор: Бактыгүл Момбекова

10:19 08-01-2021

Жазылуу

РУБРИКАДАГЫ СОҢКУ КАБАРЛАР

11:56 2025-05-03 | Түркүн дүйнө

Трамп Рим папасы катары тактыда отурган сүрөтүн жарыялады 493 0

11:27 2025-05-03 | Кылмыштар, кырсыктар

УКМК: Бишкекте тергөөчү 150 миң сом пара алып жатканда кармалды (видео) 451 0

11:13 2025-05-03 | Кылмыштар, кырсыктар

УКМК Бишкекте кармалган тергөөчү боюнча маалымат берди 592 0

11:02 2025-05-03 | Коом жана турмуш

Өлкөгө тооктун жумурткасын ташып келүүгө убактылуу тыюу салынды. Себеби 503 0

10:41 2025-05-03 | Кылмыштар, кырсыктар

Аксыда сел жүрдү (видео) 645 0

10:13 2025-05-03 | Коом жана турмуш

Күн ачык болот. 3-майга карата аба ырайы тууралуу маалымат 195 0

Архив

Комментарийлер (20)

munarbek.92

2021-01-07 14:35:01

Абайлагыла диктатор келе жатат экен соз эркиндиги буулуп жатат

+18

bond02

2021-01-07 14:35:31

Чычалабасын уч дос, же жалганбы?

+20

munarbek.92

2021-01-07 14:35:46

Рахман чындыкты айтып жургон адам

+18

Samsung-

2021-01-07 14:43:07

Рахман агай бул кундорда отот уч пахан дагы кетет Мадумаров келсе чындык орнойт

Jelezo

2021-01-07 15:05:33

Чычалаган чын болот дечү беле.

+17

Datka7777

2021-01-07 15:39:54

Изденуу деген жок!

-13

AdylbekB84

2021-01-07 15:46:42

Бул башталышы гана!

+13

baisogur

2021-01-07 15:49:48

Майдай жагып жатат диван баатырларга бугада Бакиев куноолу))

-9

bekalife

2021-01-07 16:16:03

Рахман Разыков Мадумаровду колдогону учун Садырды каралап...

Deimon1990

2021-01-07 16:26:36

Рахман бийлике каршы болгону үчүн эмес,Адаханды колдогону үчүн ушундай сатираларды чыгарууда.Адахан эмне десе ошону кылышат булар.Буларга Адахандын сөзү мыйзам.

-9

saparu

2021-01-07 22:38:08

Бийликке келбей жатып бут тосуп жатат эртен келип калса кандай болор экен Ислам Каримовдой болот окшойтко

Bak.taalai

2021-01-07 23:03:31

Садыр жыргатпайт коросунор го

Nurik1988

2021-01-08 17:51:18

Bak.taalai,Ким жыргатат анан?

Nurik1988

2021-01-08 17:52:12

Bak.taalai, Калгандары Бут саткындар

Nurik1988

2021-01-08 10:48:03

Чын чынында изденуу жок башка нерсе менен кулдурсо болмок, оной жолу менен концерт койуп уйронуп калган

-2

Baktyluu_bolgum_kelet

2021-01-08 11:08:02

Саясаттан башка нерсе менен эле күлдүрсө болбойбу.Изденуу жок.

-4

pero5184

2021-01-08 18:33:21

Саясаттан эл чарчаган ошдуктан башка сатира тапсаңар болмок

-1

Комментарий калтыруу үчүн өз ысымыңыз менен кириңиз же каттоодон өтүңүз.