Ошто белгисиз адамдар эки милиция кызматкерине ок атып качып кетишкен. Шектүүлөр изделүүдө

Ош облусуна караштуу Кара-Кулжа районунда эки милиция кызматкерин атып кеткен шектүүлөр изделүүдө. Бул тууралуу Ош ОИИБинин басма сөз кызматынан SUPER.KG порталына билдиришти.

Маалыматка ылайык, 13-январга караган түнү болжол менен түнкү саат 01:10 чамасында Кара-Кулжа РИИБинин милиция кызматкери С.Б. Кара-Кулжа айылынын Суранбай көчөсүндө токтоп турган өзүнө таандык болгон Нива үлгүсүндөгү автоунаасында отурган учурда ага бейтааныш жаран кол салып унаанын алдыңкы капталдагы айнегинин сыртынан 16 калибрдеги ок атуучу куралынан капысынан ок чыгарган. Милиция кызматкеринин эки далысынын ортосуна 7-8 чачма ок тийген.

"Окуя болгон жерге тергөө тобу барганда Кара-Кулжа РИИБинин тергөөчүсү Д.К. унаадан түшкөн кезде анын арт тарабынан белгисиз жаран ок атуучу курал менен бир жолу эки далысына атып жиберген, ошол учурда Д.К жанындагы табелдик ок атуучу куралы менен ал атуулду көздөй бир жолу ок чыгарган. Ошол кезде ал окуя болгон жерден качып кеткен.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Натыйжада Кара-Кулжа РИИБинин кызматкерлери Д.К. жана Б.С. денесинен жаракат алышып, Кара-Кулжа аймактык ооруканасына жеткирилди. Аталган окуя боюнча Кара-Кулжа районунда атайын операция киргизилип, Кара-Кулжа районунун Ак-Кыя айылына жана Кара-Кулжа айылына посттор коюлду", - деп билдиришти Ош ОИИБинен.

Учурда тергөө амалдары жана шектүү жаранды аныктап, кармоо боюнча иш-чаралар жүргүзүлүүдө.

Автор: Гүлзина Каныбекова

11:30 13-01-2021

Жазылуу

РУБРИКАДАГЫ СОҢКУ КАБАРЛАР

21:52 2025-06-03 | Түркүн дүйнө

Ишти жашырууда ар кандай амалдарды жасаган... Өзбекстанда 25 жаштагы жигит адам өлтүргөнү үчүн 11 жылга соттолду 77 0

21:21 2025-06-03 | Кылмыштар, кырсыктар

УКМК: Ысык-Көлдөгү пляждан 57 гектар жер мамлекетке кайтарылды (видео) 142 0

21:04 2025-06-03 | Кылмыштар, кырсыктар

Бишкекте милициянын унаасы жөө жүргүнчүнү сүзүп алды (видео) 349 0

20:53 2025-06-03 | Түркүн дүйнө

Украина Крымдагы Керч көпүрөсүн жардырды (видео) 840 0

20:02 2025-06-03 | Коом жана турмуш

Депутат Садырбаева Эверестти багындырган Асел Байбагышева менен жолугушту 387 0

19:55 2025-06-03 | Түркүн дүйнө

Украина Иран, Кытай жана башка чет элдик аскерлерди колго түшүрдү (видео) 1333 0

Архив

Комментарийлер (5)

Kyshtak210

2021-01-13 13:04:35

Мындай зоокурлорду таап катту чара коруш керек!

Almazhhhh

2021-01-13 14:08:09

Ошого жеткизген да.

Almazhhhh

2021-01-13 14:08:47

Жон келип биро бироону атпайт да.

bond0202

2021-01-13 15:11:54

чындап текшерсе куноо оздорундо болуп чыгат.

Mister-XXX

2021-01-13 16:13:33

Кара Кулжанын менттери өздөрү бандит да.Убагында мен да бир,экөөнү атып салгым келген.Менде курал болбой калган да.Жакшылап текшерсе,кылмыштын башы өздөрүнө барып такалат.

-2

Комментарий калтыруу үчүн өз ысымыңыз менен кириңиз же каттоодон өтүңүз.