Чүйдө үй ээсинин короодогу унаасын уурдай качкан мас абалдагы жаран кармалды

Чүйдө үй ээсинин короодогу унаасын уурдай качкан жаран кармалды. Бул тууралуу облустук жол кыймылынын коопсуздугун камсыздоо башкармалыгынан билдиришти.

Анда шектүү 1-февраль күнү Ак-Жар конушунан Mersdes-Benz унаасын уурдай качкан.

"Маалымат келип түшөрү менен инспекторлор Сокулук-Кант жолунда кызмат өтөп жатып, качып кетүүгө аракет кылган айдоочуну кармаган. Айдоочу кармалган убакта мас абалында экени аныкталган. Учурда материалдар тийиштүү жерге жөнөтүлүп, териштирүү иштери башталды", - деп жазылат маалыматта.

Автор: Айсалкын Качкынбекова