"Орусияда кыргыз кызын бычактап кетишти" деген сүрөт тарады. ИИМ жабырлануучу ооруканада дарыланып жатат дейт

Социалдык тармакка жарадар болуп жаткан кыздын сүрөтү жарыяланып, анын каза болгону айтылууда. Андагы маалымат боюнча, окуя Орусияда орун алган. Интернет желесине тарап жаткан сүрөт жана маалымат боюнча Ички иштер министрлиги билдирүү жасады.

"2021-жылдын 2-февралында саат 15:28 чамасында Москва районунун Красногорск шаарындагы Павшинский бульварында белгисиз жаран 24 жаштагы Р.А. аттуу кызды белгисиз зат менен уруп, жаракат келтирген.

Жаракат алган 24 жаштагы Р.А. Кыргыз жараны болгон. Ал курсагынын алды жагына бычак сайылган жана кесилген деген диагноз менен ооруканада жатат, абалы туруктуу.

Аталган факты боюнча Орусиянын тергөө башкармалыгы тарабынан "курал же курал катары колдонулган буюмдарды колдонуу менен атайылап ден соолукка оор залал келтирүү" беренеси боюнча кылмыш иши козголду. Учурда кылмыш кылган жаранды аныктоо жана кармоо боюнча ыкчам тергөө иштери жүргүзүлүп жатат", - дешти мекемеден.

Кыргыз Республикасынын Ички иштер министрлигинин Орусиядагы өкүлчүлүгү жарандарды жалган маалымат таратпоого чакырат.

"Айрым жарандар жабырланган кыздын сүрөтүн интернетке жарыялап, аны каза болгон деп жазышууда. Жарандарды жалган маалымат таратып, дүрбөлөң чыгарбоого, тергөө аягына чыкканга чейин чындыкка дал келбеген маалыматтарды таратпоого чакырабыз", - деп кошумчалашты мекемеден.

Автор: Бактыгүл Момбекова

20:04 04-02-2021

Жазылуу

РУБРИКАДАГЫ СОҢКУ КАБАРЛАР

19:58 2025-05-31 | Коом жана турмуш

Бишкекте милиция кызматкери кармалды 1012 0

19:18 2025-05-31 | Бизнес-Инфо

Bakai Bank Ош облусундагы атайын адистештирилген балдар бакчасын жана айыл тургундарын таза суу менен камсыздады 139 0

17:55 2025-05-31 | Коом жана турмуш

Эверестти багындырган Рысгүл Акимжанова мекенине кайтып келди (фото, видео) 907 0

17:17 2025-05-31 | Түркүн дүйнө

Трамп Орусияга каршы жаңы санкциялар боюнча чечим кабыл ала электигин билдирди 798 0

16:39 2025-05-31 | Саясат

Кыргызстан менен Египеттин соода-экономикалык кызматташтыгы талкууланды 336 0

16:20 2025-05-31 | Кылмыштар, кырсыктар

Баткенде жаңы төрөлгөн ымыркай ажатканага ташталган 1258 0

Архив

Комментарийлер (5)

Ulia...

2021-02-04 21:01:23

Аман болгулачы чет жерде жургондор тооба

KAPAGAT

2021-02-05 00:23:08

Кандай гана жырткычпыз ээ "адамдар"?!
Кечээ эле Москвадан тагам киши колдуу болуп ,олугу келди.

Nursul

2021-02-05 10:42:41

Өзүбүздүн өлкөдө ушундай кылмыштуу иш болуп изин суутуп кетсе издеп табышпайт анан бөлөк бөтөн эл кылмышкерди табышына шегим бар. Бечара кыз чындап эле ооруканада болсо тезирек сакайып кетсин дагы ушул кызыбызды өзүбүздүн жигиттер эле кордободу бекен.

Nursul

2021-02-05 10:51:00

Россияда квартирада жалаң кыздар жашашат эле арасында жаны келген кыз бар болчу бир күнү көчөдө кетип баратышса мас кыргыз жигитти көрүшөт кыздар барар жерим аябай алыс суукта тоңуп калдым үйүңөргө батырып алгылачы десе кыздардын жаман ою жок үйүнө киргизишет кечинде бир кызга баягы эргул кол салат кыз кыйкырып баары ойгонуп баланы көчөгө чыгарып салышат баягы бала өчөшүп ошондогу кызды ондон ашык балага сабатып кыштын суугунда көчөгө таштап кеткен ошол нерсе табылбай эле калдыго.

Nursul

2021-02-05 10:55:59

Кыздарыбыз чет өлкөдө көрдүк корушуно биз кунолубуз Кыяматта аял киши үй бүлөсүнө жооп берсе биз эркектер баарына жоопкербиз кыздарыбыз кордук көрүп өлтүрүп кетип сойку болуп кытайга тийип да кетип атышат ошолорго да биз жооп беребиз кыяматта.

Комментарий калтыруу үчүн өз ысымыңыз менен кириңиз же каттоодон өтүңүз.