Сузакта жеңил унаа көчөдө күйүп кетти

Сузакта жеңил унаа көчөдө күйүп кетти. Бул тууралуу Жалал-Абад ОИИБинин басма сөз кызматынан SUPER.KG порталына билдирди.

Маалыматка ылайык, кечээ, 7-февраль күнү Сузак районунун Ынтымак айылында 1987-жылы туулган тургуну өзүнө таандык болгон Volkswagen Golf II үлгүсүндөгү унаасынын свечасын текшерип оңдоп жатып, жүргүзгөндө өрт чыгып унаа өрттөнүп кеткен.

"Натыйжада унаа ээсине материалдык чыгым келтирилген. Бул факты Сузак РИИБине Кылмыштардын жана жоруктардын бирдиктүү реестрине өрт кырсыгы болуп катталып, текшерүү иштери жүргүзүлгөн. Текшерүү учурунда унаанын айдоочусу окуя боюнча эч кимге арыз доосу жоктугун билдирип, арыз жазуудан баш тарткан", - деп билдиришти мекемеден.

Автор: Гүлзина Каныбекова