Алайда асынып алган келиндин апасы милицияга арыз жазды

Буга чейин 7-февраль күнү Ош облусунун Алай районунда 25 жаштагы келин үйүнүн короосунда асынган абалда табылганы маалымдалган.

Ал эми маркумдун апасы кечээ, 8-февралда милицияга арыз жазды. Бул тууралуу милициянын басма сөз катчысы Жеңишбек Аширбаев SUPER.KG порталына билдирди. Анын айтымында, маркумдун апасы кызым өзүн асып алмак эмес, териштирип бергиле деп милицияга арыз жазган.

“Бир жума мурун күйөөсү Чоң-Алайдагы иш сапары менен кеткен экен. Балким телефон аркылуу сүйлөшкөндө жаман сөз ортолорун аралагандыр деген божомолдор бар. Ошондой эле балалуу боло албай жүрүп депрессияга түшүп кетти деген версия да териштирилип жатат. Бул боюнча жыйынтык чыкса, маалымат беребиз", - деп билдирди Аширбаев.

Автор: Гүлшат Ысамамат кызы