Келтирилген чыгым 170 миң сом. Бишкекте тигүүчү машиналарды уурдоого шектүү жарандар кармалды

Бишкек шаарында тигүүчү машиналарды уурдоого шектүү жарандар кармалды. Бул тууралуу Ленин РИИБинин басма сөз кызматынан билдиришти.

Билдирүүгө ылайык, 7-январда Ленин РИИБине К.М. аттуу Бишкек шаарынын тургуну арыз менен кайрылган. Анда 6-январдан 7-январга караган түнү болжол менен түнкү саат 03:00дөр чамасында Арча-Бешик конушунда жайгашкан тигүү цехинен 8 даана тигүүчү машиналарды уурдап кетишкен. Келтирилген чыгымдын баасы 170 миң сомду түзгөн.

Бул факты Кылмыштардын жана жоруктардын бирдиктүү реестрине 200-берене (Уурдоо) боюнча катталып, сотко чейинки өндүрүшкө алынган.

"Издөө иш-чараларынын жүрүшүндө кылмышка шектелип, 1979-жылы туулган С.Т. жана 1999-жылы туулган Ж.Д. аттуу жарандар кармалып, СИЗО-1ге бир айга камакка алынышкан. Учурда тергөө иштери уланууда", - деп жазылат маалыматта.

Автор: Гүлзина Каныбекова