"Жылкыңа карап ышкыр!". Конор Макгрегор "Манчестер Юнайтед" клубун сатып алууну көздөөдө. Акчасы жетеби?

UFC уюмунун эки салмак боюнча мурдагы чемпиону Конор Макгрегор Англиянын атактуу "Манчестер Юнайтед" клубун сатып алууну көздөөдө. Бул тууралуу Макгрегор өзүнүн социалдык тармактагы баракчасына жазды.

"Салам баарыңарга! Мен "Манчестер Юнайтед" клубун сатып алууну ойлонуп жатам. Сиздер буга кандай карайсыздар?", - деп жазды Макгрегор.

"Манчестер Юнайтед" клубу бүгүн, 21-апрелде расмий токтотулган Европа Супер Лигасына кошулгандан кийин, анын ээлери клубду сатууну көздөгөн. Ал эми Макгрегор аталган футболдук клубдун күйөрманы.

2021-жыл ирландиялык мушкер үчүн дагы жемиштүү боло баштады. Дастин Порьеге утулганына карабай, ал 30 миллион евродон ашык акча алган. Мындан тышкары өзүнүн "Proper Twelve" вискисинин сатылышы кошулуп, мушкердин байлыгы 280 миллион еврого бааланган.

"Манчестер Юнайтед" бул - Англиядагы эң кымбат футболдук клуб. Forbes басылмасынын маалыматы боюнча, клуб 2021-жылы 4 миллиард 200 миллион еврого бааланган. Мындан тышкары англиялык клуб дүйнөдөгү эң кымбат клубдардын ичинен "Бавария", "Реал Мадрид" жана "Барселонадан" кийин төртүнчү орунда турат.

Ушунун баарын эсепке алганда, Конордун клубду сатып алуусу өтө эле оор экени айдан ачык. "Манчестер Юнайтед" ирландиялык мушкердин байлыгына караганда 15 эсе кымбат. Ал эми Макгрегордун болгон байлыгы клубдун 10 пайыз акциясына дагы жетпейт.

Автор: Азат Бейшенбеков

13:44 21-04-2021

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (2)

nazarnew

2021-04-21 14:22:26

Супер инфо сиз конордун только байлыгын эсептединиз, анын вискиден, рекламадан, бренддеринен, компанияларынан, компаниондорунан келген байлыктарын эсептеген жоксуз го, аны бекерден мистик мак деп аташпайт, ал 35 ке чыкканда миллиардер болом деген, анын связы көп, сатып алганга мүмкүнчүлүгү жетет.

-4

Mr.altynbek

2021-04-21 16:50:29

Конорду Погба дагы сатып алат

Комментарий калтыруу үчүн өз ысымыңыз менен кириңиз же каттоодон өтүңүз.