"Сатылмак". Бишкектен 7 килограммдан ашык гашиш баңги заты алынды

Бишкек шаарындагы Жамгырчинов көчөсүнөн унаадан сатылмак болгон 8 килограммдан ашык гашиш баңги заты табылды. Бул тууралуу Ички иштер министрлигинин басма сөз кызматынан билдиришти.

"Баңгизаттарды ташуу жана сатуу каналын аныктоого жана жок кылууга багытталган иш-чаралардын жүрүшүндө 2021-жылдын 23-апрелинде Бишкек шаарынын Жамгырчинов көчөсүндө А.А. аттуу жарандын башкаруусундагы БМВ үлгүсүндөгү унаа токтотулган. Унааны текшерүү учурунда ичинен 8 килограммдан ашык гашиш баңги заты табылган", - деп жазылат билдирүүдө.

Баңгизаттын жалпы салмагы 8 килограмм 262 грамм болгон. Кармалган чет элдик жаран баңгизатты түзөтүү мекемелеринин бирине соттолгондорго сатууну көздөгөн. Учурда тергөө оперативдик иш-чаралар улантылууда жана бул кылмышка тиешеси бар башка адамдарды аныктоо иштери жүрүп жатат.

Автор: Азат Бейшенбеков