“Манас оюндары - 2013”: Мелдешти өткөрүү кезеги Нарын облусуна өткөрүлүп берилди

Мелдештин жеңүүчүлөрүн сыйлоо аземи

Ат оюнуна коюлган баш байге

Мелдештин жеңүүчүлөрүн сыйлоо аземи

Бишкек мэри Иса Өмүркулов “Манас оюндары - 2013” мелдешин өткөрүү кезегин Нарын облусунун губернатору Канатбек Муратбековго өткөрүп берди

Мелдештин жеңүүчүлөрүн сыйлоо аземи

Ат оюнуна коюлган баш байге

Мелдештин жеңүүчүлөрүн сыйлоо аземи

Мелдештин жалпы командалык жыйынтыгы

14-20-октябрь аралыгында улуттук спорттун түрлөрү боюнча Ормон хандын 220 жылдыгына арналган “Манас оюндары - 2013” мелдеши расмий түрдө жыйынтыкталды. Мелдешке Кыргызстандын 7 облусунун Бишкек жана Ош шаарынын командалары катышты. Жалпы командалык эсепте мелдештин жеңүүчүсү болуп Чүй облусунун командасы табылды. Бул тууралуу бүгүн, 21-октябрь күнү Дене тарбия жана спорт агенттигинин басма сөз кызматы билдирди. Мелдештин расмий жабылышына вице-премьер-министр Тайырбек Сарпашев, шаар башчы Иса Өмүркулов, ЖКнын депутаты, Көк бөрү федерациясынын президенти Канат Исаев жана башкалар катышты. Мелдештин расмий жабылышында Бишкек мэри Иса Өмүркулов “Манас оюндары - 2013” мелдешин өткөрүү кезегин Нарын облусунун губернатору Канатбек Муратбековго өткөрүп берди. Айта кетсек, мелдеш 4 жылда бир өтүп, анда спорттун кунан чабыш, жорго салыш, аламан байге, көк бөрү, эр эңиш, тыйын эңмей, кыз куумай, кыргыз күрөш, тогуз коргоол жана ордо деген түрлөрү боюнча өтөт.

Автор: Айбала Эргешов
Фото: Дене тарбия жана спорт агенттиги