Токмокто авиакырсыкта каза тапкан баскетболчулардын элесине арналган Эл аралык мелдеш өтүүдө

Токмок шаарында 2008-жылы авиакырсыкта каза тапкан баскетбол боюнча Кыргызстандын жаштар курама командасынын оюнчуларынын жаркын элесине арналып, баскетбол боюнча Эл аралык мелдеш өтүүдө. Бул тууралуу КРнын Баскетбол федерациясы билдирет. Мелдеш 1997-1998-жылкы өспүрүмдөр арасында өтүп, ага Кыргызстандан 5, Казакстандан 1 команда катышууда. Мелдештин алкагында катышуучу ар бир команда бири-бири менен ойноп чыгат. Эске салсак, 2008-жылы Бишкекте катталган авиакырсыктан 70 адам каза таап, алардын ичинде Иранга мелдешке бара жаткан баскетбол боюнча Кыргызстан курама командасынын оюнчулары да болгон.

Автор: Айбала Эргешов