Мирбек Атабеков: "Вакцина алгандар деле, антителасы барлар деле ооруйт экен"

Кыргыз Республикасынын Эмгек сиңирген артисти Мирбек Атабеков COVID-19 жана пневмония илдетинен айыкты. Бул туурасында ырчы мырза менен байланышканыбызда белгилүү болду. Экинчи жолу илдеттен жабыркаганын айткан ырчы буларга токтолду.

"Былтыр дагы коронавирус инфекциясы менен жабыркап, оор формада өткөн. Анда өзүм ооруп жатам деп жатып алгам. Анан дагы телефон чукулап, интернеттен коронавирус тууралуу жаңылыктарды окуп, режим сактаган эмесмин. Ошентип ооруну күчөтүп алгам. Бул жолкусунда психологиялык жактан даяр болуп, дароо эле режим сактоого өттүм. Убагында уктап, көп кыймылдап, туура тамактанып жаттым", - дейт ал.

Вакцина алгандар деле, антителасы барлар деле ооруйт экен деген Мирбек Атабеков бул жолкусунда илдет жеңил өткөнүн айтты.

"Буга чейин вакцина алам деп жүргөм. Менде антитела бар болгондуктан, дарыгерлер вакцина албай турууну сунушташкан. Антитела жок болгондон кийин алам деп жатканда, жакын таанышым эмдөөдөн кийин катуу ооруп калды. Ошондо азырынча эмдөө албай турайын деп койгом. Көп өтпөй эле ооруп калдым, бул жолу бир эле күн дене табым көтөрүлүп, эртеси жок болуп кетти. Антитела болгону, режимди туура сактаганым үчүнбү бул ирет илдет жеңил өттү. Эң негизгиси өзүн көзөмөлгө алып, режим сактаса ооруну оңой жеңүүгө болот", - деди ал.

Мирбек Атабеков коронавирус күч алып турган кезде той-топурларды, массалык иш-чараларды токтото турууну, өзү дагы иш-чараларга убактылуу барбай турганын кошумчалады.

Эске салсак, ырчы 2020-жылы июль айында коронавирус инфекциясына кабылган.

Автор: Бактыгүл Момбекова

03:30 22-06-2021

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (4)

Asmat84

2021-06-22 09:15:11

Жок болуп бараткан ырчылар кайра эле өздөрүн ушинтип чыга калышат. Азыр чындап келгенде баарыбыз эле оорудук бул оору менен Аллахым шыпаасын берип, айыгып атабыз ушул чала ырчылар күйгүздү күнүгө эмне кылганын элге жарыя кылышып...

Aman_Mansurov

2021-06-22 10:18:13

Asmat84,Мирбек чала ырчыбы? Мирбек чала ырчы болсо,анда калган ырчыларды ырчы деп айтпай эле койуш керек го. Кыргызстанда ырчы жокко анда э

JaneEr

2021-06-22 14:40:22

Мен дагы былтыры 8-июль,быйыл 26-майда оорудум.Экинчи жолу оорубайт деген жон эле жомок.Вакцина деле бардык штаммга дал келбейт.

Nursul

2021-06-22 19:54:19

Башы оору грипп деген оорулар унутулуп кетет окшойт, башы ооруса деле экеленишип карона дешип. 4 5 күндөн бери катуу оорудум бүгүн Аллахыма шүгүр жакшы болуп калдым, анан кичине оорусак деле экеленбей сабыр кылганды үйрөнөүчу. Бүгүн болницага баргандан да коркосуң башка жериң ооруса да карона деп жаткызып салышат экен.

Комментарий калтыруу үчүн өз ысымыңыз менен кириңиз же каттоодон өтүңүз.