Ырчы Съездбек Искеналиев коронавируска каршы эмдөө алууга чакырат

Ырчы Съездбек Искеналиев калкты коронавируска каршы эмдөөгө чакырды. Анын видео кайрылуусун республикалык штабдан жарыялашты.

"Кыргыз элим, коронавирус инфекциясы дүйнө жүзүн каптады. Анын ичинде биздин элибизге да кыйынчылыктарды, оор жоготууларды алып келди. Дарт болгондон кийин сөзсүз дабасы да болот экен. Минтип дабасы табылып, вакцина иштелип чыкты. Баарыңыздарды вакцинаны алууга чакырат элем. Жакындарыңыз үчүн, өзүңүз үчүн. Бул илдет эртерээк жок болсун", - дейт ырчы кайрылуусунда.

Ырчы мырза менен байланышканыбызда өзү эмдөөдөн өтө электиги белгилүү болду.

Эске салсак, 11-июлда өлкө боюнча коронавируска каршы күрөшүүгө багытталган массалык эмдөө башталган.

Автор: Бактыгүл Момбекова