Ысык-Атада "эки кызды коюп кеткен" деген шек менен 16 жаштагы бала кармалды

Ысык-Ата районунда "окуучуларды коюп, качып кеткен" деп шектелген адам кармалды. Бул тууралуу бүгүн,1-ноябрда Чүй облустук ички иштер башкы башкармалыгынын басма сөз кызматы билдирет.

Аталган басма сөздүн маалыматына караганда, окуя 30-октябрда болуп өткөн. Белгисиз айдоочу болжол менен саат 10:30дарда Будёновка айылындагы мектептин тушунан 11 жаштагы 2 кызды коюп кетип, аларга жардам көрсөтпөстөн окуя болгон жерден качып кеткен. Кыздар түрдүү жаракаттар менен ооруканага жеткирилген.

Кылмышка шектүү делинип аталган райондун жергиликтүү тургуну Х.М. кармалды. Учурда сурак жүрүп жатат.

Автор: Канымжан Усупбекова