Өлкөдө биринчи жолу триатлон боюнча Азия чемпиондугу өтөт

Кыргыз өлкөсүндө биринчи жолу триатлон спорту боюнча Азия чемпиондугу өтөт. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

Маалыматка ылайык, 17-19-сентябоь күндөрү Ысык-Көлдүн Чолпон-Ата шаарында кесипкөй спортчулар жана U15 (13-15 жаштагы ) өспүрүмдөр арасында триатлон боюнча Азия чемпиондугу өтөт.

Аталган мелдешке 9 өлкөдөн (БАЭ, Япония, Иран, Казакстан, Өзбекстан, Палестина, Иордания, Бахрейн жана Кыргыз өлкөсү) келген 57 кесипкөй спортчу катышат.

Белгилей кетсек, триатлон - өз ичине сууда сүзүү, чуркоо жана веложарышты камтыган спорт түрү.

Автор: Жанбулат Жумабеков