Өзбекстандан келген музыканттар Бишкекте искусство боюнча жолугушуу өткөрөт

Бишкекте Өзбекстандан келген өнөр адамдары искусство боюнча жолугушуу өткөрөт. Уюштуруучулардын маалыматына ылайык, "ArtOfDiversity (Чеберчиликтин ар түрдүүлүгү)" деген темада ачык жолугушуусу өтөт.

Иш-чара Өзбекстандын чыгармачыл ишмерлери менен региондогу массалык тренддердин чегинен чыккан искусство тренддерин актуалдаштыруу темасында эркин талкуу форматында өтөт. Жолугушуунун катышуучулары Борбор Азиядагы альтернативдүү искусствонун келечеги жана Өзбекстанда аткарылып жаткан арт-долбоорлор жөнүндө айтып беришет.

Ошондой эле негизги спикерлер Ашот Даниелян менен Никита Макаренко арт-менеджердин ишмердүүлүгүнүн технологиялары жана чыгармачыл компоненти жөнүндө сүйлөшүшөт жана ошондой эле музыкалык карьера, көркөм активдүүлүк жана драма боюнча өз тажрыйбалары менен бөлүшүшөт.

Жолугушуунун уюштуруучулары көркөм чөйрөнүн өкүлдөрүн диалогго катышууга чакырышат.

Иш-чара 19-сентябрда саат 16:00дө "Сорос-Кыргызстан" фондунун кеңсесинде өтөт.

Автор: Бактыгүл Момбекова