Осло: "Экөө алтын байге үчүн". Бүгүн үч кыргыз балбаны килемге чыгат (тизме)

Бүгүн, 5-октябрда Норвегиянын борбору Осло шаарында күрөш боюнча Дүйнө чемпиондугунун үчүнчү күндүк беттештери өтөт.

Кыз-келиндер күрөшү боюнча 76 килограмм салмактагы Айпери Медет кызы алгачкы беттешин өткөрөт. Анын алгачкы атаандашы болгариялык Мария Оряшкова аттуу балбан кыз болот.

Бул беттеш Бишкек убактысы боюнча саат 14:30да башталат.

62 килограмм салмакта Айсулуу Тыныбекова Дүйнө чемпиондугунун финалында күрөшөт. Анын атаандашы америкалык Кайла Коллина Кийок Чудо аттуу балбан кыз болот.

Ошондой эле 70 килограмм салмакта Эрназар Акматалиев дагы финалда күрөшөт. Анын атаандашы польшалык Магоммедмурад Гаджиев аттуу балбан болот.

Финалдык беттештер Бишкек убактысы боюнча саат 22:00дө старт алат.

Кыргыз балбандарына ийгилик!!!

Автор: Азат Бейшенбеков