50 миң сом айып салынган "Алай" клубу: "Ак ийилет, бирок сынбайт"

Дисквалификация болгон оюнду курамга кошуп алгандыгына байланыштуу 50 миң сом өлчөмүндө айып салынган Оштун "Алай" футболдук клубу машыгуусун кызуу улантууда. Бул тууралуу футболдук клуб социалдык тармактагы баракчасына жазып, футболчулардын машыгуусундагы сүрөттөрүн жүктөдү.

"Териштирүү иштери жүрүп жатканда биз кадимкидей машыгуудан ырахат алабыз. Ак ийилет, бирок сынбайт. Эртең Кочкор-Ата шаарында конокто ойнойбуз", - деп жазылды клубдун баракчасында.

"Алай" клубунун жарым коргоочусу Ислам Шамшиев 4 оюнга дисквалификация болгонуна карабай курамга "Абдыш-Ата" клубу менен болгон оюнда кошулган. Мындан улам Тартип комитети 13-октябрда өткөн "Абдыш-Ата" - "Алай" беттешинин жыйынтыгын жокко чыгарып, "Абдыш-Ата" клубуна 3 упай берип, "Алай" клубуна 50 миң сом айып салган.

Автор: Азат Бейшенбеков