Кыргызстандык теннисчи Ксения Палкина дүйнөлүк рейтингде 17 орун жоготту

Кыргызстандык теннисчи Ксения Палкина WTAнын (Айымдардын теннис ассоциациясы) 11-ноябрга карата чыгарылган рейтингинде 17 орун жоготту. Бул рейтингде спортчу дүйнөдөгү күчтүү теннисчилердин катарында 108 упай менен 373-орунда турат. Эске салсак, мындан туура бир апта мурун ал рейтингде 356-орунду ээлеп турган.

Кошумчалай кетсек, WTAнын рейтингин учурда америкалык теннисчи Серена Уильямс жетектейт. Алдынкы бештикте болсо беларусиялык Виктория Азаренко, кытайлык На Ли, орусиялык Мария Шарапова жана польшалык Агнешка Радванска бар.

Автор: Максат Кудайбердиев