Бий спорту боюнча кыргызстандык жаш бийчилер Казакстанда алтын медаль утушту

Бий спорту боюнча кыргызстандык жуптук- Александр Шефлер жана Амина Надирова Казакстанда өткөн Эл аралык мелдеште алтын медаль утуп келишти. Бул тууралуу аталган спорт түрү боюнча федерациядан билдиришет. Маалыматка ылайык, Шефлер жана Надиров жаштар арасындагы биринчи топто 1-орунду ээлешти.

Ал эми жаштар арасындагы экинчи топто Ринат Дахер жана Оксана Рыженко жуптугу биринчи орунду ээлесе, ушул эле категорияда кыргыз бийчилери Вячеслав Курбатов жана Нурзат Кыдыралиева күмүш медаль тагынышты. Ал эми Кыргызстан курама командасынын эсебине 4-медалды Умар Мухамедалиев жана Елизавета Макарова жуптугу алып келди.

Автор: Максат Кудайбердиев