Сербиялык Новак Жокович жылдын жыйынтыктоочу мелдешинин финалында Рафэль Надалды утуп алды

Сербиялык теннисчи Новак Жокович Профессионал теннисчилер ассоциациясынын жылды жыйынтыктоочу мелдешинин жеңүүчүсү болду. Бул тууралуу мелдештин расмий сайты билдирет.

Новак Жокович менен испаниялык Рафаэль Надалдын ортосундагы финалдык беттеш кечээ, 11-ноябрда орун алды. Тиреш 1 саат 37 мүнөткө созулуп, жыйынтыгында 6:3, 6:4 эсептеринде жеңиш сербиялык теннисчи тарапта болду.

Жокович профессионалдык карьерасында Профессионал теннисчилер ассоциациясынын жылды жыйынтыктоочу мелдешинде 3-ирет жеңүүчү аталды.

Автор: Максат Кудайбердиев