Күрөш: Калмира Билимбек кызынын Ак-Талаада ат чапкандагы видеосу көпчүлүктү суктантты

КМШ оюндарынын чемпиону Калмира Билимбек кызынын Баетов айылында ат минип, аны чапкандагы видеосу интернет колдонуучулары тарабынан талкууга алынып, көпчүлүктү суктантты.

Видеону Калмира Билимбек кызы өзүнүн социалдык тармактагы баракчасына жүктөдү. Видеодо балбан кыз күлүк жана жорго аттарды минип, аргымактарды чапкан.

Калмира Билимбек кызы август айында Орусиянын Уфа шаарында өткөн жаштар арасындагы Дүйнө чемпиондугунда күмүш медалга ээ болгон. Көп өтпөй эле, тагыраагы сентябрь айында балбан кыз Казань шаарында өткөн КМШ оюндарында алтын медаль тагынган.