Бокс боюнча өлкө чемпиондугунун ачылышынан фоторепортаж.

Солдон оңго: Жогорку Кеңештин мурдагы депутаты Камчыбек Ташиев, профессионалдык бокс боюнча Дүйнөнүн 7 жолку чемпиону Орзубек Назаров жана КРнын Бокс федерациясынын президенти, Башкы прокурордун мурунку орун басары Абдыбакыт Халмурзаев. Бул адамдар Кыргызстандын чемпиондугунун деңгээли жогору экенин айтып турат.

Мелдеш 49 килогарамм салмак категориясындагы мушкерлердин арасындагы беттеш менен башталды.

Мелдештин көрүүчүлөр аз. Бирок, кийинки күндөрү көрүүчүлөрдүн саны артарынан үмүт чоң.

Түндүк Америка континентинин 3 жолку чемпиону, "Сидней-2000" Олимпиадасынын катышуучусу Алмазбек Раимкулов: "Биз да кезинде ушул жайда рингге чыгып, Кыргызстандын желегин сыймык менен көтөрчүбүз"

Абдыбакыт Халмурзаев мелдештин өзгөчөлүгү көп катышуучу болуп жатканы жана кыз-келиндердин да катышып жатканы экенин билдирди.

Дене тарбия жана спорт мамлекеттик агенттигинин директору Муратбек Саралинов кыргыз боксуна ийгилик каалады.

Мелдеште мушкерлердин беттештеринде кезек-кезек менен 19 калыс иш алып барат.

Мелдешке өлкөнүн бардык облустарынан командалар келди. Катышуучулардын саны 110дон ашык экенин уюштуруучу топтун мүчөлөрү билдирет.

Белгилүү спорт ишмерлеринин катышуусундагы ачылыш аземи.

Бүгүн, 13-ноябрда бокс боюнча кыз-келиндер жана уландар арасында өлкө чемпиондугунун расмий ачылышы орун алды. Кожомкул атындагы Спорт Ордосунда өткөн ачылыш аземине мушкерлерден сырткары бир катар белдүү инсандар, көрүүчүлөр күбө болушту.

Эске салсак, өлкө чемпиондугуна 110 мушкер катышып жатат.

Автор: Максат Кудайбердиев
Фото: Максат Кудайбердиев