Бишкекте күндүзгү убакытта үйгө кирип акча каражатын, зер буюмдарды уурдаганга шектүү колго түшүрүлдү

Бишкекте милиция кызматкерлери уурулукка шектүү жаранды колго түшүрүштү. Свердлов РИИБинин маалымат кызматынан билдиришкендей, кармалган жаран үйгө кирип, баалуу буюмдарды, акча каражатын алып кеткен.

10-ноябрда шаар тургуну укук коргоочуларга арыз менен кайрылып, саат 13:30дан 17:30 чамасына чейинки аралыкта үйүнө кирип акча каражатын, алтын, күмүш зер буюмдарын уурдап кеткендерге карата чара көрүүнү өтүнгөн.

Бул факты Кылмыштардын жана жоруктардын бирдиктүү реестрине 200-берене ("уурулук") менен катталып, сотко чейинки тергөө иштери башталган.

"Териштирүүнүн жүрүшүндө шектүү катары 1989-жылы туулган С.С. аттуу жаран кармалып, убактылуу кармоочу жайга киргизилди.

Урматтуу шаар тургундары, эгерде уурулук фактысына күбө болсоңуз же кандайдыр бир маалымат билсеңиз 0 502 28-28-68, 0 550 102-659, 0 552 102-284 же 102 номерлерине кабарлап коюуңуздарды өтүнөбүз", - дешет милициядан.

Автор: Бактыгүл Момбекова
Фото: Свердлов РИИБи