Бүгүн, 15-ноябрда Топ-Лиганын сезондогу акыркы беттешинде “Дордой” атаандашы “Алганы” 3:0 эсебинде утуп алды

Бүгүн, 15-ноябрда КРнын Топ-Лигасынын сезондогу акыркы беттешинде бишкектик “Дордой” атаандашы “Алга” командасын 3:0 эсебинде утуп алды. Бишкектеги Дөлөн Өмүрзаков атындагы борбордук стадиондо өткөн оюн беттеште “Дордойдун” чабуулчусу Дэвид Тетте 2 гол киргизсе, 3-голду Авазбек Откеев өз эсебине жазды.

Эске салсак, бул беттеш КРнын Топ-Лигасынын 2013-жылкы сезонунун алкагындагы акыркы беттеш болду. Бул оюн “Алга” командасынын мелдеште 3-орунга илинип калуусу үчүн жакшы мүмкүнчүлүк болгон. “Алга” беттешти уттуруп жиберип, 3-орунга илинбей калды. Мелдештеги 3-орунду “Абдыш-Ата” ээледи.

Автор: Максат Кудайбердиев
Фото: Максат Кудайбердиев