“Алга” атаандашы “Дордойго” 3:0 эсебинде утулуп, 3-орундан куру калды (фоторепортаж)

"Дордойдун" башкы машыктыруучусунун жардамчысы Замир Жумагулов (алдыда) жана башкы машыктыруучу Анарбек Ормонбеков.

Эсеп 3:0. 3-гол кошумча убакытта киргизилди.

"Дордойдун" чабуулчусу Каюмжан Шарипов оюндун акыркы мүнөттөрүнө чейин көзгө толумдуу оюн көргөздү.

КРнын футбол федерациясынын президенти Семетей Султанов да оюнга күбө болду.

2011-жылы дал ушул "Алганын" курамында ТОП-Лиганын башкы бомбардири аталган Владимир Веревкин эски өнөктөштөрүнүн оюнун көрүүгө келген. Эске салсак, быйыл ал Ош шаарынын "Алай" командасында ойноп ТОП-Лиганын чемпиону аталды.

"Дордойдун" чабуулчусу Мирлан Мурзаев жаракатынан улам бул оюнгада чыга алган жок.

Беттеште кимдин жеңери "Абдыш-Атанын" футболчусу Алмаз Мирзалиевге да кызык болгонун футболчу өзү билдирди.

Кыргызстанда футболдун өнүгүүсү футбол федерациясына, футболдук ишмерлерге жана футболчуларга эле эмес, көрүүчүлөргө да муктаж. Бул оюн дээрлик көрөрмандарсыз өттү.

Беттеш курч мүнөздө башталды.

Бүгүн, 15-ноябрда КРнын Топ-Лигасынын сезондогу акыркы беттешинде бишкектик командалар “Дордой” жана “Алга” командалары беттешти.

Бул оюнда эгерде “Алга” утса, жаңы жыйынтыкталып жаткан КРнын ТОП-Лигасында 3-орунду ээлемек. Бирок клуб беттешти 3:0 эсебинде уттуруп, 3-орунга илинбей калды.

Эске салсак, беттеш Дөлөн Өмүрзаков атындагы борбордук стадионда өттү. 3 голдун экөөсүн “Дордойдун” чабуулчусу Дэвид Тетте киргизсе, 3-голду Авазбек Откеев өз эсебине жазды.

Автор: Максат Кудайбердиев
Фото: Максат Кудайбердиев