15-ноябрда футбол боюнча Дүйнө чемпиондугунун тандап алуу оюндарынын алкагында Европада 4 оюн орун алды

15-ноябрда футбол боюнча Дүйнө чемпиондугунун тандап алуу оюндарынын алкагында Европада 4 оюн орун алды. Бул тууралуу ФИФАнын расмий сайты билдирет.

Маалыматка ылайык, футбол боюнча Дүйнө чемпиондугуна тандап алуу турунда Европада өз тайпаларында 2-орунду ээлеп калган 8 команда өз ара беттеш өткөрүштү. Эске салсак, бул оюндарда жеңип чыккан командалар Дүйнө чемпиондугуна аттанат.

15-ноябрда катталган оюндардын жыйынтыгы:

Португалия – Швеция 1:0 (гол: Криштиану Роналду)

Украина – Франция 2:0 (голдор: Зозуля, Ярмоленко)

Греция - Румыния 3:1 (голдор: Митроглу, Салпингидис, Митроглу – Станку)

Исландия – Хорватия 0:0

Жооптук оюндар 19-ноябрда орун алат. Анда ушул эле командалар беттешет:

Швеция – Португалия, Франция – Украина, Румыния – Греция, Хорватия – Исландия.

Автор: Максат Кудайбердиев