Баткенде бейбаштыкка шектелген жарандар кармалды

Баткенде бейбаштыкка шектелген жарандар кармалды. Бул тууралуу Баткен ОИИБинин басма сөз кызматынан билдиришти.

Маалыматка ылайык, Кадамжай районунун Ак-Турпак айыл аймагында жайгашкан Техас кафесинин алдында ушул жылдын 17-январь күнү 24 жаштагы М.К. менен Э.Б.ны бейтааныш 4-5 бала уруп денелерине жараат келтирген.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүш иши башталган. Кадамжай РИИБинин ыкчам кызматкерлеринин ишмердүүлүгүнүн натыйжасында, кылмышка шектүү катары 34 жаштагы А.А. жана Алга айылынын 20 жаштагы Т.А. аттуу жарандар кармалып, кылмыш иши Кадамжай райондук сотуна жөнөтүлгөн.

Ошондой эле бул ишке шектүү катары дагы 2 жаран кармалып, убактылуу кармоочу жайга киргизилген.

Автор: Айсалкын Качкынбекова