Чүй милициясы тоноого шектелген 3 жаранга издөө салат

Чүй милициясы тоноого шектелген 3 жаранга издөө салат. Бул тууралуу облустук милициядан билдиришти.

Маалыматка ылайык, 3-ноябрда Ысык-Ата райондук ички иштер бөлүмүнүн нөөмөт бөлүмүнө Чүй облусунун Ысык-Ата районунда жайгашкан институттардын биринин жактоочусу арыз менен кайрылып, үч белгисиз адамга карата чара көрүүнү өтүнгөн. Анда 2-ноябрь күнү саат 20:30 чамасында Кант шаарынын көчөлөрүнүн биринде институттун студенттери М.К. жана М.М. күч колдонуп, Samsung үлгүсүндө 2 уюлдук телефонун жана 12 миң 700 сом акчасын алып кетишкен. Аталган факты Ысык-Ата районунун ички иштер бөлүмүнө катталган.

Кимде-ким сүрөттөгү жарандарды таанып, билген болсо төмөнкү телефон номерлери аркылуу байланышып коюуну милиция кызматкерлери суранат.

Байланыш телефону: 0701-02-25-28, 0557-17-75-85, 0706- 86-83-12, 0312 -61-69-07, 03132-5-21-47.

Издөөдөгү жарандардын белгилери:

Белгилери: Бою 173-177 сантиметр, арык денелүү, үстүндө кызыл түстөгү капюшону бар, «Nike» деген жазуусу бар күрмө, кара спорттук шым, бутунда кара түстөгү кроссовка.

Белгилери: Бою 165-167 сантиметр, орто дене түзүлүштө, үстүндө кара күрмө, көк түстөгү жынсы шым, бутунда кара түстөгү кроссовка.

Белгилери: Бою 170-175 сантиметр, арык дене түзүлүштө, үстүндө кызыл түстөгү күрмө капюшону менен, ачык көк түстөгү жынсы шым, бутунда кара түстөгү кроссовка.

Автор: Айсалкын Качкынбекова