Футбол боюнча ардагерлер арасында Кыргызстандын чемпиондугу жыйынтыкталды

12-ирет өтүп жаткан футбол боюнча ардагерлер арасындагы Кыргызстандын чемпиондугу жыйынтыкталды. Бул тууралуу КРНын Футбол федерациясы билдирет.

Маалыматка ылайык, 2013-жылкы сезондун алкагында 26 тур оюндары орун алган. Жыйынтыгында сезон алкагында эң көп упай топтогон канттык “Абдыш-Ата” (76 упай) чемпион аталды. 2-орунду бишкектик “Алга” ээлесе (56 упай), 52 упай топтогон нарындык “Ала-Тоо” командасы 3-орунду камсыздады.

Мелдеш алкагында өз эсебине 77 гол жазган Закир Пусурманов (“Абдыш-Ата”) мелдештин башкы бомбардири аталды.

Автор: Максат Кудайбердиев