"Баракелде!": Футзал боюнча улуттук курама Грузия менен болгон экинчи оюнда тең чыкты

Футзал боюнча Кыргыз улуттук курама командасы Тбилиси шаарында Грузия курама командасына каршы экинчи жолдоштук беттешинде 2:2 эсебинде тең чыкты.

Кыргыз курамасынан голдорду Нурсултан Абдылдаев 20-мүнөттө киргизсе, экинчи голду 30-мүнөттө Азат Исабеков жаратты.

Кечээ, 21-декабрда өткөн бул эки кураманын беттеши 2:1 эсебинде Кыргыз курамасынын жеңиши менен аяктаган.

Белгилей кетсек, Кыргыз өлкөсүнүн курама командасы мелдешке даярдык көрүү үчүн 13-19-декабрда Чолпон-Ата шаарында окуу-машыгуу, ошондой эле Азия кубогунун тандоо этабына даярдануу максатында футзал жыйынын өткөргөн.

Автор: Азат Бейшенбеков