Бүгүн 19-ноябрда футбол боюнча Дүйнө чемпиондугуна Европадан 4 жолдомонун ээси белгилүү болот

Солдон-оңго: Криштиану Роналду (Португалия), Златан Ибрагимович (Швеция) жана Франк Рибери (Франция). Бул тандап алуу турунда бул 3 футболчунун экөө Дүйнө чемпиондугуна барбай калышы мүмкүн.

Бүгүн, 19-ноябрда футбол боюнча Дүйнө чемпиондугуна Европадан акыркы 4 жолдомонун ээси белгилүү болот. Бул тууралуу ФИФАнын расмий сайты билдирет.

Маалыматка ылайык, бүгүн Европадагы тандап алуу турунда өз тайпаларында 2-орунду ээлеген 8 команда өз ара беттеш өткөрөт:

01:00 – Румыния-Греция

01:15 – Хорватия-Исландия

01:45 – Швеция-Португалия

02:00 – Франция-Украина

Эске салсак, бул жооптук оюн болуп эсептелет. Алгачкы оюндар 15-ноябрда өткөн. Анда төмөнкүдөй эсеп катыштыктары катталган:

Португалия – Швеция 1:0, Украина – Франция 2:0, Греция - Румыния 3:1, Исландия – Хорватия 0:0.