Гүлжайна Атаканова: "Кызымдын бала менен кат алышып жатканын көрүп чаап, эшикке түртүп чыгаргам"

Кызын катуу тартипте кармагандардын катарындагы энемин деген куудул, тамада, актриса Гүлжайна Атаканова SUPER.КG порталынын маек төрүндө болду. Ал кызы Элеанораны тарбиялоосу, балалыгы кандай өткөнү тууралуу баяндады.

"Сиңдилүү болгонумда 10-15 мүнөткө чейин эмне кыларымды билбей турдум. Анан ыйлап, апама чалып "кыялымды орундатканыңызга рахмат" деп айткам. Төрөтканага барып келе жатканда унаадан чын эле бир туугандуу болдум деп ыйлагам", - дейт Элеанора.

Куудулдун кызы учурда 16 жашта. Кызы менен сыймыктанарын айткан Гүлжайна айым буларга токтолду.

"Кудайга шүгүр, кызым менен сыймыктанам. Экинчи кызым деле Элеаноранын жолун жолдосо экен дейм. Кээ бир кыздарды көргөндө ата-энесин аяйм. Курсагын көрсөтүп, кыска кийинип, жумуртка кууруй албайм дешет. Мен кызымды туура тарбиялап жатам деп айта алам. Эртең башка үйгө бүлө болуп барганда тамак жасай албай, үйдү таза кармай албаса "апасы артист да, апасы гастролдоп жүрсө кызы ушу да" деген сөздөн корком. Кызымдын эртеңки келечеги үчүн азыртадан кам көрөм. Кызымды түйшүкчүл кылып салдым дебейм. Келечекте жүзү жарык болуш үчүн, мага сөз тийбеш үчүн жасап жатам.

Кызым көңүл ачуучу жайларга барбайт. Сабактан дагы убакыт, сааты менен келет. Окуу ийримдерине катышам десе тыйбайм.

9-классында бир бала менен жазышып жатканын окуп калып, чаап туруп, эшикке түртүп чыгардым. "Эмитен балдар менен ушинтип жазышсаң жогол" дедим. Ошондо буту чоюлуп калыптыр. Иним менен ооруканага алып барып, көрсөтүп жүрүп "катуураак айтсам эле болмок экен, түртүп ийбей" деп өкүнүп калгам. Кызыма балалык доорду татыктуу сүр деп айтам. Балдар менен сүйлөшкөнүнө мектепти аяктаганча караманча каршымын. Ошол үчүн телефонун тез-тез текшерип турам. Мен Элеаноранын бир эле адам менен сүйлөшүп, мамиле куруп, турмушка чыгуусун каалайм", - дейт ал.

Автор: Бактыгүл Момбекова

09:27 29-12-2021

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 529 0

17:26 2025-05-07 | Саясат

Садыр Жапаров Москвадагы Жеңиш парадына катышат 756 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 919 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 913 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1176 0

15:40 2025-05-07 | Коом жана турмуш

Бишкекте бир катар автобустардын каттамы өзгөрөт (тизме) 530 0

Архив

Комментарийлер (9)

Chagylgan7

2021-12-28 20:58:31

Аллергия

+11

Jibani

2021-12-28 22:29:11

Улуу кызына мээрим токконун такыр корбойсун го роддомдон чыкканда да байкуш кыз ыйлап микрофонго суйлоп жатса Гулжайна укмаксан кишидей ары Бер кышандап башкалар менен суйлошуп турду эле

+12

JaneEr

2021-12-29 00:12:45

Кызына бакыт каалайм.

mira28

2021-12-29 03:00:23

Мактантып эле койсо.Энесин коруп кызын ал дейт.Сени эл билбейт да ээ.Жалжандаганын жалжандаган.Сени тартпасын кызын кантсе да.Ата тарсбын тартып токтоо салмактуу болсун.

+11

aliya-leyla

2021-12-29 10:27:29

mira28,бетме-бет отуруп суйлошуп кордун беле

Alinur96kg

2021-12-29 03:49:06

Кыргызстанда точно жанылык жок тугонуп калган экенине ишендимм.

+12

Adi010891

2021-12-29 14:16:51

Alinur96kg,э тууганым чыдай тур,жаны депутаттар келди, эми зерикпейбиз

nazira...

2021-12-29 09:27:04

Эмне бул да кызын алып чыгайын деп даярдык көрүп атабы, секин секин кызын экранга үйрөтүп. Эмнеге кызын кошо алып келди болбосом. Анан ушу кызды чыгарып турбаса супер инфонун ишитоктоп калабы.

Dembele84

2021-12-29 09:57:22

Кызым 16га чыкты деп реклама кылганы келдинби?Мен катуу тарбиялайм,кызым жакшы,жигиттер барсынарбы деп койбопсун!

Комментарий калтыруу үчүн өз ысымыңыз менен кириңиз же каттоодон өтүңүз.