Дүйнө чемпиондугуна чүчү кулак таштоо 6-декабрда өтөт. 32 команда 4 бөлүккө кандай бөлүнөт?

Дүйнө чемпиондугуна катыша турган 32 команда белгилүү болду. Эми алар 6-декабрда өтө турган чүчү кулак таштоо аземинде тайпага бөлүштүрүлөт. Бул тууралуу европалык басылмаларда кабарланды. Маалыматка ылайык, 32 команда абалына жараша сезиз-сегизден 4 корзинага бөлүнөт. Биринчи корзинага мелдешти өз үйүндө өткөрө турган команда Бразилия жана ФИФАнын октябрдагы рейтингинде алдынкы 7 орундун ээлери кирет. Калган командалар географиялык өзгөчөлүктөрүнө жана башка жагдайларга карата төмөнкүдөй бөлүштүрүлүшү мүмкүн дешет футбол адистери. Кайсы команда кайсы корзинага түшөрү 6-декабрга чейин билинет.

1-корзина: Бразилия, Испания, Германия, Аргентина, Колумбия, Бельгия, Уругвай, Швейцария

2-корзина: Нидерланды, Италия, Англия, Португалия, Греция, Босния жана Герцеговина, Хорватия, Орусия

3-корзина: Франция, Чили, Эквадор, Кот-д'Ивуар, Гана, Алжир, Нигерия, Камерун

4-корзина: Япония, Иран, Түштүк Корея, Австралия, АКШ, Мексика, Коста-Рика, Гондурас

Автор: Максат Кудайбердиев