Бишкек. Байланышка чыкпай калган 86 жаштагы аялдын жансыз денеси батирден табылды

Бишкекте 86 жаштагы аялдын жансыз денеси өзү жашаган батирден табылды. Өзгөчө кырдаалдар министрлигинен белгилешкендей, маркумдун сөөгү бүгүн, 2-февралда аныкталды.

Маалым болгондой, куткаруучуларга батир ээси байланышка чыкпай, үйдүн тышкы эшиги ачылбай жаткандыгы тууралуу билдирүү түшкөн.

"Жерине 4 куткаруучу тартылып, бекилип калган эшикти ачкан учурда батирдин ичинен 86 жаштагы Г.Е. аттуу аялдын жансыз денеси табылган. Маркумдун сөөгү милиция кызматкерлерине, ал эми иш иликтөө кызматына өткөрүлдү", - дешти мекемеден.

Автор: Бактыгүл Момбекова
Фото: ӨКМнын басма сөз кызматы