Кыргызстан курама командасынын башкы машыктыруучусу жана капитаны жылдын мыктыларына добуш беришти

Кыргызстан курама командасынын башкы машыктыруучусу Сергей Дворянков жана курама команданын капитаны Вадим Харченко ФИФАнын версиясы боюнча “Жылдын мыкты футболчусу” жана “Жылдын мыкты машыктыруучусу” наамдарына талапкер футболчуларга добуш беришти. Бул тууралуу бүгүн, 21-ноябрда КРнын Футбол федерациясынан билдиришти. Маалыматка ылайык, курама команданын машыктыруучусу менен капитандын пикири окшош эмес. Машыктыруучу жана команданын капитаны шарт боюнча бул наамдарга талапкерлерден үчтөн көрсөтүшү керек:

Сергей Дворянков, Кыргызстандын башкы машыктыруучусу.

“Жылдын мыкты футболчусу” наамы боюнча берген добушу: 1. Криштиану Роналду (Португалия), Лионель Месси (Аргентина), Арьен Роббен (Голландия).

“Жылдын мыкты машыктыруучусу” наамы боюнча берген добушу: 1. Алекс Фергюсон (Шотландия), Висенте Дель Боске (Испания), Юрген Клопп (Германия).

Вадим Харченко, курама команданын капитаны.

“Жылдын мыкты футболчусу” наамы боюнча берген добушу: 1. Робин Ван Перси (Голландия), Криштиану Роналду (Португалия), Андреа Пирло (Италия).

“Жылдын мыкты машыктыруучусу” наамы боюнча берген добушу: 1. Сэр Алекс Фергюсон (Шотландия), Юпп Хайнкес (Германия), Арсен Венгер (Франция).

Эске салсак, учурда ФИФАнын версиясы боюнча “Жылдын мыкты футболчусу” наамына талапкер 23 футболчу жана “Жылдын мыкты машыктыруучусу” наамына талапкер 10 машыктыруучу бар. ФИФАга мүчө болгон курама командалардын машыктыруучуларынын жана капитандарынын добушунун негизинде бул тизмелерде үчтөн гана талапкер калат. Сыйлыктын 3 негизиги талапкери декабрь айында жарыяланат.

Автор: Максат Кудайбердиев