Франк Рибери жаракаттан улам “Бавария” - “Борусия ” беттешинде оюнга чыга албайт

Франция курама командасынын жана мюнхендик “Бавариянын” жарым коргоочусу Франк Рибери жаракатынан улам Германиянын чемпиондугунун 13-турунда дортмунддук “Боруссияга” каршы оюнга чыга албайт. Бул тууралуу кечээ, 21-ноябрда мюнхендик “Бавариянын” расмий сайты кабарлады.

Маалыматка ылайык, Франк Рибери Дүйнө чемпиондугуна тандап алуу турунда 19-ноябрда Украина менен болгон оюнда кабыргасын кокустатып алган. Футболчу 2 аптага барып калыпка келиши мүмкүн дешүүдө.

Рибери ойногон мюнхендик клуб лигадагы негизги атаандашы “Боруссия” менен 23-ноябрда Дортмунд шаарында ойнойт.

Эске салсак, 30 жаштагы француз футболчусу учурда ФИФАнын версиясы боюнча “Жылдын мыкты футболчусу” наамына көрсөтүлүүдө.

Автор: Максат Кудайбердиев